//هذه قصيدة الشاعرة السجينه
مهجه الذي حكم عليها بالسجن لقتلها خطيبها
قصيدة حزينه ومؤثره جدا وتستحق النشر لمعرفه قضيتها
االيكم بدعها مرسل إلى الشاعر ابو مطلق..... ويليها الجواب //
تقول فيها:،
ياطير بااترجاك ترسل دعوتي
للشاعر اللي أشتهر في سمعته
قل لبن مطلق يارسولي غايتي
ينشر حروفي كلها في صفحته
من أجل كل الناس تعرف قصتي
قصة بنيه خانها ذي حبته
ماهو ولد عمي ولامن قريتي
لكن هويته قبلما اعرف صورته
اخته معي فالجامعه ياحسرتي
زميلتي ذي نفذت له خطته
وثقت في ذكری بخالص نيتي
و آدت رقمها لي ورقمي شلته
واول رساله كانت اهلن دنيتي
انا اخو ذكری وأظهر طيبته
في البدايه خفت اشوه سمعتي
لكن مع الايام نفسي عشقته
وثقت فيه يوم قال يشتي خطبتي
و أدا ابوه وامه وخاله واخوته
لا بلعشي قال اطلعي سيارتي
نخذ لش الدبله وما اعرف نيته
مشا بنا والخوف زيد وحشتي
الى مكان مجهول و غير نضرته
فقلت انا وينه فقال في قبضتي
مسك يدي يشتي ينفذ رغبته
قلت استحي يانذل ماهي مهرتي
وكلما احاكيه زيد ضحكته
وآنا بنيه عازبه ما حيلتي
فجأه رأيت سكين في سيارته
مسكتها واطعن بكامل قوتي
في وسط حلقه وارتجم في بقعته
دافعت عن عرضي وعن عرض اخوتي
واليوم محبوسه سنه في ذمته
يامحكمه ياعدل ماهي غلطتي
شوفو غريمي وايش كانت سؤته
لوما قتلته كانه ارخص قيمتي
وياخذ اغلاء ماالبنيه خبته
لكن اله العرش يعلم حالتي
من يدعي الرحمن فرج كربته
وارجوك ابو مطلق توصل شكوتي
للشعب كامل والقظاه الصامته
قلت الصحيح والكذب ماهو عادتي
وكل واحد يعتبرني إبنته
*************
الشاعرة/ السجينه مهجه
************
//وهذا جو الشاعر ابو مطلق........
يامهجه ابداعش قد أحرق مهجتي
ومطلبش خلى ابو مطلق في حيرته
لاجل الوطن والشعب فاتح صفحتي
ماهي لمن ما جاء نشرنا قصته
لكن لأجلش باانتهض من بقعتي
وانشر كلامش حسب ما الناس أدته
و آرد لش حرفين وأعلن وقفتي
بجانب المظلوم وامسح دمعته
ولو حروفش ماتناسب لهجتي
واجبرتي الشاعر يغير لهجته
ما اعرف منين انتي ولكن شيمتي
تقول من نادى نلبي دعوته
أنا أشهد أنش كفو ياالبنت التي
جازيتي الغدار خاين صحبته
لوكان عاده حي لا البس جعبتي
وآروح واطرح بندقي في جبهته
حبسش غلط ياقاضي اسمع كلمتي
مفروض تكرمها علی ما سوته
هي دافعت عن عرضها ياسادتي
واسم الشرف غالي ونعرف قيمته
يا ونتي من عدلكم يا ونتي
واذي حكم بالحبس حمي لحيته
يامهجه الموضوع حرك غيرتي
بس ابن مقبل قدحنب في غربته
من كان فيه الخير يدخل صفحتي
ويسمع القصه ويعلن وقفته
نشرت موضوعش أبري ذمتي
وما معش من ربي الا رحمته
***************
والله قصيده. يعجز اللسان عن وصفها على ماتحتويه من ابيات حزينه ومؤثره
.....
ارجو
مشاركتها
في جميع
قروباتكم.....................
